MƏHSUL HAQQINDA

Gips əsaslı, məhsulun istifadə imkanlarını artıran qatqılarla zəngin, yüksək keyfiyyətli, perlitli astar suvağıdır. AZS 052 (TS 6433) standartına uyğundur.

İSTİFADƏ SAHƏLƏRİ

Bu astar suvağından:

• binaların daxilində beton, qazbeton, mişar daşı, kərpic, briket (preslənmiş kömur, torf və s.) və digər materiallardan hörülmüş divarların sement və qum qarışığı ilə suvanmış səthlərində;
• sənaye və mülki tikililərin, mehmanxanaların, xəstəxanaların və villaların daxili divarlarında istifadə olunur.

ÜSTÜNLÜKLƏRİ

• ekoloji baxımdan təmiz, insan orqanizminə ziyan verməyən təbii gips əsaslı məhsuldur;
• hazırlanması sadədir;
• PVA yapışqanları və digər əlavələr qatılmır;
• yüksək yapışma xüsusiyyətinə malikdir;
• istifadə zamanı yerə tökülmür;
• rahat işlənir və ustaya zövq verir;
• çatlamır, möhkəm və elastikdir;
• istilik və səs izolyasiya xüsusiyyətinə malikdir;
• divarlar nəfəs alır.

İSTİFADƏ QAYDALARI

Səthin hazırlanması. İstifadə olunacaq səthlərin sağlam, quru, təmiz və ölçülərin düzgün olmasına diqqət etməli, səth yapışma müqavimətini zəiflədən hər növ yağ və parafin qalıqlarından tamamilə təmizlənməlidir. Səthdə 5-6 mm dərinliyində çatlar və ya boşluqlar olarsa, onlar bir gün əvvəl Filkret 300 və ya 400 təmir qarışığı və ya standartlara uyğun istehsal edilmiş digər bu tipli təmir qarışığı ilə doldurulmalıdır. Eyni zamanda istifadə olunacaq səth əvvəlcədən nəmləndirilməli və ya Binmader astar və ya standartlara uyğun istehsal edilmiş digər bu tipli məhsulla astarlanmalıdır.

Qarışığın hazırlanması. 10 kq-lıq quru qarışığı 6,0-6,5 litr suya səpin və 3-4 dəqiqə gözlədikdən sonra, suda hissəciklər tam qarışana kimi qarışdırıcı və ya əl aləti ilə qarışdırın. Astar hazır olduqdan sonra ona yenidən quru qarışıq və su əlavə etməyin.

Tətbiqi. Hazır AĞDAĞ astar suvağını sement və qum əsaslı suvaqla suvanmış səthə vurun. Astar suvağı səthə ən azı 3-5 mm qalınlığında çəkin. Səthin tipindən asılı olaraq AĞDAĞ astar suvağının sərfi dəyişə bilər. Astar suvağın vurulma mərhələsi bitəndən 24 saat sonra üzlük şpatklyovkadan hazırlanmış qarışıq səthə çəkilə bilər. AĞDAĞ astar suvağı 100-120 dəqiqə ərzində işlədilməlidir. İstifadə müddəti keçmiş və ya qabıq bağlamış qarışıq istifadəyə yararsızdır.

Tövsiyələr. Astar suvaq istifadə olunarkən mühitin və səthin temperaturu minimum +5⁰C olmalıdır. İstifadə olunan mühitin temperaturu +5⁰C-dən aşağı və +30⁰C-dən yuxarıdırsa, lazımi temperatur təmin edilməlidir. İsti (+30⁰C-dən yuxarı), yağışlı və küləkli havalarda istifadə olunmamalıdır. Qarışığın hazırlanmasında istifadə olunan bidon və avadanlıqlar hər zaman təmiz olmalıdır. Avadanlıq və alətləri istifadədən sonra dərhal su ilə yuyub təmizləmək lazımdır. Çirklənmiş qablar və alətlər qarışığın işləmə müddətini qısaldır.

TEXNİKİ GÖSTƏRİCİLƏR

SƏRFİYYAT

3-5 mm qalınlığında hamar səth almaq üçün 3-5 kq AĞDAĞ astar məhsulu sərf olunur. 1 kisə AĞDAĞ astar məhsulu 6-10 m² sahəyə sərf olunur.

SAXLANMA MÜDDƏTİ VƏ QAYDASI

Paketlənmiş kisələr döşəməyə toxunmamaq şərti ilə, qapalı yerlərdə, taxta altlıqlar üzərində, bir-birinin üzərində maksimum 10 ədəd olmaqla quru anbarlarda 6 ay saxlanıla bilər.

XƏBƏRDARLIQLAR

• istifadə olunan suyun və qabların təmiz olmasına xüsusi diqqət edin;
• astar alçıya sudan başqa heç bir maddə qatmayın;
• yuxarıdakı göstəricilər +23⁰C±2⁰C temperatur və 50% +5% rütubətli şəraitdə aparılan laboratoriya sınaqları nəticəsində əldə olunmuşdur. Şəraitdən asılı olaraq bu göstəricilər dəyişə bilər.

ZƏMANƏT VƏ TEXNİKİ DƏSTƏK

• texniki göstəricilərdə qeyd edilmiş məlumatlar elmi və təcrübi biliklərə əsaslanır;
• “Mətanət A" şirkəti məhsulun keyfiyyətinə və təhlükəsizliyinə görə məsuliyyət daşıyır;
• şirkətin mütəxəssislərinin rəhbərliyi altında görülən işlər istisna olmaqla, digər istifadəçilər tərəfindən təlimatdan kənar istifadə halları zamanı yarana biləcək problemlərə görə “Mətanət A" şirkəti məsuliyyət daşımır;
• şirkət elmi-texniki inkişafla bağlı məhsulda dəyişiklik etmə hüququnu özündə saxlayır;
• texniki dəstək və ya daha geniş məlumat almaq üçün “Mətanət A” şirkətinə müraciət edin!